amzer -seasons-

 kemennadenn d’ar mediaoù  (24.06.15)

             ALBOM NEVEZ A-BENN AN 22 A VIZ GWENGOLO

                          Single kentañ:      

                                           « NEw’ AMzer »

             SONADEG D’AR 7 A VIZ DU LA CIGALE PARIZ

50 VLOAZ

DEDIET D’AR C’HAN HA D’AR SONEREZH

24 ALBOM E SERVIJ SONEREZH AR BED-HOLL

AMzer
En e unan en e studio da gentañ, ha goude-se gant un nebeud mignoned an hini eo en deus dorloet Alan Stivell ar rentañ enor-mañ d’an amzer, awenet gant lusk ar c’houlzoù-amzer hag ar varzhoniezh. Ar sederoni zon a santer a zeu diwar ur “sound design” ma kaver mouezh, kerdin, fleütoù ha toserezh a-unan da vont d’ober ur sonerezh arvestat, etre rak-folk ha sonerezh elektronek nevezus. Kejañ a ra neuze tremened koshañ ha modernelezh en amzer o tremen, an AMzer.

Alan Stivell a zo da gentañ un den dibar da vat.

Ouzhpenn bezañ lakaet da adc’henel, en e oad tenerañ, ur benveg aet diwar soñj an dud, e ijinas, nepell goude, e stummoù tredan.

Ouzhpenn lakaat kendeuziñ sonerezh e wrizioù gant ar Rock, n’eo ket trawalc’h dezhañ ar mont daou-ha-daou-se hag e kav e awen e kement levezon a c’hall bezañ : un diuzerezh kaset betek penn.

Anat eo ez eo Alan Stivell kiniad ar Sonerezh keltiek, hag e grouer zoken.

Hogen arabat eo disoñjal evit kelo-se e talc’h da vezañ war glask ur Sonerezh Hollek. Netra a vefe divodest er c’hlask-mañ : n’eus anezhañ nemet un dedenn diharz ha rouez evit kement seurt sonerezh zo, en egor hag en amzer.

Ma selaouer e 24 albom ez eo diaes chom hep kavout levezon ar seurtoù sonerezh pennañ, daveennoù da amzerioù disheñvel, eus an Henamzer da zegasadennoù an elektronik ha daskounadenn meur a genel.

Ar sevenadur an tostañ d’e galon a chom e-kreiz e oberenn avat. Hag e gwir, penaos e c’hallfe ur sonerezh hollvedel da vat lakaat ar sonerezh keltiek a-gostez ?

E vouezh ivez a vordo diouzh ar fromoù hag ar c’hoantoù, dre stiloù disheñvel, livioù disheñvel, marevezhioù disheñvel, dieubet diouzh ar pounnerder – dreist-holl dre e zoare da lakaat ar ritm en un doare personnel-kenañ -.

Ar pozioù a laka warno, bet savet gantañ pe gant oberourien all, a veaj evel e sonerezh, evel e vouezhioù, eus ur stil pe eus ur yezh d’un all (betek an doareoù lec’hel da zistagañ hag e diabarzh ar memes testenn). Ar re ar muiañ kartezian a c’hallje en em goll

Eñ a zalc’h da vont sioul gant e hent.

Hag e selaouerien a seblant chom hep koll un neudenn, pe ur gerdin telenn, a liamm anezho outañ, abaoe hanter-kant vloaz, evit lod, pe pemp devezh, evit re all.

TRACKLISTING

  1. NEW’ AMZER (SPRING) 4:44 (Kentin Bleuzen / Alan Stivell)
  2. OTHER TIMES – AMZERIOU ALL (HAIKU DE PRINTEMPS) 03:16 (domani foran/ Alan Stivell)
  3. MATIN DE PRINTEMPS – KESA NO HARU (HAÏKU DE PRINTEMPS 2) 6:41 (Kobayashi Issa, Matsuo Bashô ha Corinne Atlan /Alan Stivell)
  4. MINTIN NEW ‘HAÑV (HAIKU DE PRINTEMPS 3) 02:31 (domani foran / Alan Stivell)
  5. AU PLUS PRES DES LIMITES – JE MARCHERAI (AN TOSTAÑ D’AN HARZOU – NEARBY THE BOUNDS) 05:16 (Geneste / Alan Stivell)
  6. POSTSCRIPT 05:39 (Seamus Heaney / Alan Stivell)
  7. KALA GOAÑV / CALENDES D’HIVER (AS A TRIBUTE 1) 03:00 (Alan Stivell)
  8. WHAT COULD I DO (AS A TRIBUTE 2) 04:32 (Alan Stivell/Alan Stivell)
  9. KERZU – DECEMBER (AS A TRIBUTE 3) 05:19 (Alan Stivell)
  10. PURPLE MOON 07:46 (Laurent Bourdelas/Alan Stivell)
  11. HALAGE 02:52 (Alan Stivell/Alan Stivell)
  12. ECHU AR GOAÑV / TILL SPRING ? 03:13 (Alan Stivell)

SONERIEN

Alan Stivell : programmadur, kan, telennoù, fleüt Iwerzhon

gant

  • Cédric Alexandre : gourrebed (5)
  • Anne Gwen Brodu : fleüt-treuz (7,8)
  • Toshiko Dhotel : mouezh komzet e japaneg (2)
  • Gaëtan Grandjean : gitar sec’h (9)
  • Nicolas Hild : toserezh (5,7,8)
  • David Millemann : gitarioù, sound design ha programmadur (2,3,4,8,9,11)
  • Maliko Oka : mouezh komzet e japaneg(2,3)
  • Gráinne O’Malley : mouezh ha kan en iwerzhoneg (6)
  • Véronique Piron : mestr ar shakuhachi, toserezh (3,5)
  • Nicolas Pougnand : sound design (1,2,5,10)
  • Loumi Seveno : alto (9)

Bet enrollet etre miz Du 2011 ha miz Du 2014 er studio Keltia III (35, Breizh), etre Here 2014 ha Genver 2015 er Studio Tillaut (35, Breizh).

Renet gant Alan Stivell, enrollet gant Damien Tillaut

Mesket e Genver ha C’hwevrer 2015 er Studio Tillaut gant Damien Tillaut hag Alan Stivell, nemet 7, 8, 9, eus miz Kerzu 2014 da C’hwevrer 2015 e La Licorne Rouge (Roazhon, Breizh) gant Ted Beauvarlet, David Millemann hag Alan Stivell

Masterekaet e miz Meurzh 2015 en Translab (Pariz) gant Benj

Artwork « Ballmap », gant Jérémie Brunet

Ti-Embann : Keltia III,

nemet 3 ha 4 : Gallimard ha Keltia III

ha 6 : Faber & Faber ha Keltia III

An droiad :

  • 08.07.15 – Carcassonne (11-Oc), Festival de Carcassonne
  • 12.07.15 – Saint Malo (35-Bzh), Fest. Folklore du Monde
  • 07.11.15 – Paris (75), La Cigale
  • 26.02.16 – Rouen (76), Le Zénith
  • 27.02.16 – Caen (14), Le Zénith
  • 28.02.16 – Brest (29-Bzh), Arena
  • 02.03.16 – Troyes (10), Le Cube
  • 04.03.16 – Lille (59-Vl), Le Zénith
  • 05.03.16 – Rennes (35-Bzh), Le Liberté
  • 06.03.16 – Laval (53), Parc des Expos
  • 08.03.16 – Angers (49), Amphithéâtre
  • 09.03.16 – Tours (37), Le Vinci
  • 10.03.16 – Limoges (87-Oc), Le Zénith
  • 11.03.16 – Deols/Châteauroux, Equinoxe
  • 12.03.16 – Paris (75), Palais des Congrès
  • 13.03.16 – Epernay (51), Millesium
  • 17.03.16 – Roanne (42), Le Scarabée
  • 18.03.16 – Montluçon (03), Athanor
  • 19.03.16 – Lyon (69), Amphi 3000
  • 20.03.16 – St Etienne (42), Le Zénith
  • 30.03.16 – Nantes (44-Bzh), Cité des Congrès
  • 31.03.16 – Vannes (56-Bzh), Parc Chorus
  • 01.04.16 – Niort (79), L’acclameur
  • 02.04.16 – Toulouse (31-Oc), Le Zénith
  • 03.04.16 – Clermont-Ferrand (63-Oc), Le Zénith
  • 07.04.16 – Dijon (21), Le Zénith
  • 08.04.16 – Grenoble (38-Sa), Summum

ALAN STIVELL BERR-HA-BERR

  • Kerkent ha 9 bloaz (1953) e kinnig e sonadegoù kentañ (Unesco, iliz-veur Gwened, Olympia memes…). Ul levezon anat o devo ha lakaat a raint an delenn geltiek da adc’henel.
  • Diouzhtu eo tomm ouzh ar sonerezh hag ar sevenadurezh keltiek hag e teu da vezañ ur mailh warno.
  • Etre 1958 ha 1966 e tres telennoù tredan, e krog da skrivañ ur gensonadeg hag e enroll evit ar wech kentañ gant an delenn solo. War un dachenn all (sonerezh hengouneloc’h) ez eo anavezet evel unan eus ar gwellañ sonerien binioù bras.
  • E 1966 e krog da ganañ evel den a vicher (d’ar c’houlz-hont ne oant nemet daou, gant ar barzh all, Glenmor).
  • Ar bloaz war-lerc’h e siner ur gevrat etrebroadel kentañ gant Philips-Fontana (Universal). E resitalioù kentañ a ro c’hoant da dud all da vont d’e heul dija.
  • An albom kentañ Reflets (1970) a zo ur poent loc’hañ. Un doare manifesto eo ivez evit ur sonerezh hironaet hag a zegas meizad ar « World-Music » da zont.
  • E 3e opus, Renaissance de la harpe celtique, bet enrollet e 1971, a laka miliadoù a delennourien hag a ludaouerien da ziflukañ er bed a-bezh.
  • E Pop-Plinn, ar wech kentañ ma kendeuzer sonerezh Breizh gant ar Rock, ha dreist-holl ar sonadeg (C’hwev. 1972) hag an albom A l’Olympia (en tu-hont da 2 vilion a skouerennoù gwerzhet) a lakaio kalz-kalz a dud da vezañ sot gant ar sonerezh nevez-mañ : anv a reer eus ur « marzh Stivell » hag a cheñch da vat skeudenn Breizh.
  • C’hoariet en doa dija en Italia, en Iwerzhon hag e London (Queen Elizabeth Hall e 68 gant ar Moody Blues) met adalek 1973 an hini eo en em zispak e remzad etrebroadel : leuniañ a ra diwar neuze salioù bras Europa, Amerika, Aostralia, gwelet e vez er festivalioù rock bras evel war al leurennoù skinwel.
  • E 1974 e krou an ti-pladennoù Keltia III, dasparzhet abaoe gant meur a oberour war dachenn ar sonerezh, eus Universal da harmonia mundi.
  • E 1980, e Symphonie celtique / Tir na n-Og e stad AnOriant (Gouel ar Gelted) ha sonadegoù bras-divent (14000 selaouer e Milan).
  • Alan n’emañ ket en e aez gant ar statud « star »-mañ : er bloavezhioù 80, e produ albomoù all, dibaroc’h. Ar pezh na vir ket outañ a c’hounit selaouerien nevez er bed a-bezh (Italia, Alamagn, SUA, Kanada,…) en ur vont alies da gaout peoc’h en e di e Langoned.
  • War-lerc’h Legend-Mojenn pe The Mist of Avalon ha goude bezañ kejet gant Francis Dreyfus, e kinnig un doare nevez eus e ditloù hollvrudet : e 1993 ez eo an albom « Again » poent loc’hañ ur wagenn nevez (teir gwech pladenn aour). Pediñ a ra e vignon Dan Ar Braz (lañset e oa dija mennozh « L’Héritage des Celtes ») . Berzh spontus a ra an droiad a zeu war-lerc’h e 1994. Evel er bloavezhioù 70 e ra ar publik bras hag ar rummadoù nevez un degemer frommus d’e sonerezh.
  • An albom Brian Boru, bet produet gant Martin Meissonier, a laka muioc’h c’hoazh sonerezh Alan er Sonerezhioù a vremañ. Kadarnaet e vo c’hoazh an tuadur-se gant an albom 1 Douar (One Earth), gant Youssou N’dour, Jim Kerr, Paddy Moloney, John CaleKhaled, h.a..
  • A-raok enkadenn ar gwerzhañ pladennoù, e veze gwerzhet 100.000 skouerenn eus e bladennoù bep bloaz.
  • Merket eo deroù ar 21 kantved gant an albom gant binvioù hepken, En tu-hont d’ar c’homzoù – Au-delà des mots, al levr Telenn, la harpe bretonne, kenskrivet gant Jean-Noël Verdier, hag an Dvd Parcours (Fox-Pathé), deuet da vezañ Dvd aour buan-tre.
  • E 2006, e teu er-maez ar bladenn « penn a-raok » Explore , doare elektro-rock ha hip-hop. Ur wech ouzhpenn, pevar alc’hwez Télérama hag an titl Miz-Tu e playlist France Inter.
  • E 2009 e tegas soñj « Emerald » eus ar bloavezhioù kentañ folk-rock, met doare ar bloavezhioù 2000.
  • E 2012 e lider 40vet deiz-ha-bloaz e sonadeg istorel en Olympia e Pariz. Universal a embann ar Best of « Ar Pep Gwellañ ».
  • En deroù hañv 2013, e c’hall an dud dizoleiñ ar sonadeg-se end-eeun, gant ur Cd-Dvd, « 40th Anniversary Olympia 2012 » (Universal). War-lerc’h e teu ul levr nevez kenskrivet gant Alan Stivell, Sur la route des plus belles légendes celtes, embannet gant Arthaud-Flammarion. War Frañs tri eo skignet un teulfilm kaer-tre, Au-delà des frontières, diwar e fenn.
  • E 24e albom, « AMzer (seasons)» a zeuio er-maez e Gwengolo 2015.
  • Un droiad hir a vo war-lerc’h e dibenn 2015 hag e 2016 en ur dremen dre La Cigale e Pariz d’ar 7 a viz Du. Evel ur maen-bonn en e remzad 50 vloaz e vo, gant ur sonerezh atav ken nevezus ha gwriziennet er 21 kantved.

                                     Troet gant Olier Ar Mogn         (trug. vras dezhañ)